دردشه الاعضاء

حلو اوى الموضوع وفعلا متخلف اللى يغلى فى الطلبات يا جماعة اهم حاجه الراحه النفسيه مش الماديه
وكمان الشبكه اللى يشتريها العريس وبعد الدخله يبيعهلها علشان يسد ديوانه
ليه ما يجبش اللى يقدر عليه واللى مايقدرش عليه يخليه مع مرور الزمن هيجيبه
وبالنيبه ليا انا ممكن اتنازل عن الكمليات زى الشبكه ممكن اكتفى بالخاتم والدبله ووالله ده ما كلام ده انا ممكن اتنازل فعلا
ومحدش يقول لانى وحشه او مش قدامى عرسان بس ده لانى فعلا مش لقيالها منظر اوى لما يشتريها وبعد الدخله يبعها تبقى كانت منظره على الفاضى

الله عليكى يا مهد وعلى كلامك اللى ذى العسل ياريت كل البنات ذيك كده
وفعلا يا جماعة الشاب بيبقى عايز يشترى لحبيبته اغلى حاجة واحسن حاجة فى الدنيا دى بس يعمل ايه
انا والله اعرف ناس اتجوزت ولسة بتسدد فى ديونها من 3 سنين ولسة بدرى كمان
شكرا ليكى يا مهد
وعايزين نسمع رأى باقى الاعضاء

لازم ابوا العروسه يغلي الشبكه والحاجات الي زي دي عشان لو مغلهاش ممكن يجي جوز الواحده ويبقي يزلها ويقولها ابوكي باعك بتمن قليل ويقعد يزلها وينكد عليها عشان كده الاب لازم يغلي الحاجات الي زي دي عشان يضمن سعده بنته ومصلحتها

معك حق فعلا الاهل بيغالو اوى انا بقول لكل اب وكل ام ارحمو من فى الارض يرحمكم من فى السماء بس هما بيرجعو يقولو انهم بكده بيحفظو حقوقنا علشان اللى متقدم يعرف قيمتك وغلاوتك

مو ضوع جميل
بس يا جماعه لما الاب هيخلي العريس يدفع مهر ويجيب شبكة غاليه جدا لبنته اذا كان بقا الرجل ده عنده ولحد اما والد عروسة بنته يقوله عايزين شبكة ومهر غاليييييييين جدا مش هيوافق يبقا المفروض اصلا ميعملشي كده في عريس بنته علشان ميتعملشي فيه كده لما ييجي يجوز ابنه
وبعدين اصلا الشبكة والحاجات دي مش هتفرق كتيييييييير مع اتنين بيحبوا بعض اصلا

ميرسى ليك يا فرعون انتا اللى الموضوع اللى اختارته جامد جدا ومهم للجميع

ميرسى ليكى انتى يا مهد ولكل الاعضاء على المشاركات الجميلة دى
وتسمحولى اعلق على ردودكم
اولا مهد.... رأيك جميل جدا بس غير واقعى خالص لان الاهل عمرهم ما هيوفقو على كده
سندريلا .. مش بالشبكة والحاجات دى الوحدة جوزها هيعاملها حلو ومش هينكد عليها عشتها وانا وقسم بالله اعرف واحد مرتاح جدا جوز بنته لواحد علشان كان حافظ كتاب ربنا كله وكان على اد حاله جدا وده بيرجع لاأصل العريس ده وحبهم لبعض
ريال مدريد ... هما الاهل معاهم حق بس فى الحدود والمعقول حسب امكانيات العريس لان طبعا مش معقولة العريس هيبقى غنى ويفاصل ويدقق ده يبقى معفن ولا هما الاهل عايزين جوز بنتهم يتسجن بعد شهر العسل من الديون
كوين...... بصراحة اكتر رأى عجبنى جدا لان اكيد كل اسرة عندها بنت فى الغالب عندها ولد واللى انت ماترضهوش على ابنك ناترضهوش على جوز بنتك

على فكره البنت ممكن تقنع اهلها بالى هى عايزاه
انا عن نفسى اقدر
بس هتتحمل مسئولية اللى هتعمله واللى هتختاره

خلينا واقعيين كل بنت بتحب تجيب اغلى شبكة وتعمل احسن فرح ويكون عندها احسن شقة لتتباهىبها امام اصحابها واقاربها لية بقا بنحمل كل حاجة على الاب
وعلى العموم المفروض يكون كل شى فى حدود امكانيات العريس
وانا بقا عن نفسى هخلى موخر الصداق نصف مليون جنيه والمهر مليون جنية ههههههههههههه

شوفى يا راما لو اللى اتقدملك ده حبيبك وبيحبك ومعاه المليون جنيه مش هيستخسرهم فيكى ابدا
ولوحبيبك على اد حاله واتقدملك عمرك ماهتطلبى حاجة ومش هيمك اصحابك ولا اقاربك كل اللى يهمك انك ترتبطى بيه وبس
ياريت تكونى فهمتى انا عايز اقول ايه

انتى ما فهمتنيش كويس وانا بعدين قولت على العموم على قد امكانيات العريس

خلاص يا جماعة كل واحد قال رأيه
تعالو بقى نغير الموضوع

انا عن نفسى لو اتقدملى واحد وامكانيتة الى حد ما كويسة بس بيحبنى ما يهمنيش اصحابى واقاربى اهم حاجة يكون محترم ويراعى الله فيا واهم من دة كلة السعادة

ربنا يرزق كل بنات المنتدى بأغنى عرسان ويكونو بيحبوهم
وربنا ينولنى اللى فى بالى
قولو امييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييين

اْمين

حد يجيب موضوع جديد

ايه رأيكم يا جماعه نتكلم عن موضوع الهجرة غير الشرعيه يعني مثلا دلوقتي تلاقي اي ولد بعد ما يخلص الجامعه تلاقيه عايز يهاجر اي بلد علشان الشغل والفلوش وباي وسيله ومش لازم يكون في جامعه دلوتي كله عايز يهاجر بره البلد وخلاص علشان الفلوس ولاا نتوا ايه رأيكم

الشباب مخنوق من البلد بجد ده فى ناس عايشة تحت مستوى الصفر
الشباب دلوقتى مبقاش يعرف حاجة اسمها وطن اللى هى مصر
كلمة مصر زمان كان له هيبة عند الناس وعظمة
كان فخر
لكن دلوقتى لو قعدو على المقاهى و فى الشوارع هنسمع الشباب بيسب فى مصر والبلد والظروف وعايز يهج منها
انا بقول الكلام ده لانى بصراحة احيانا بفكر كده لما بكون مخنوق اوى
وادينا بنسمع عن اللى بيموتو فى البحر علشان يسافرو ايطاليا ومعطمهم من القرى اللى يبيع الدهب بتاع امه واللى يبيع الجاموسة اللى حلتهم
وندخل على ليبيا اللى اتخنقو مننا من كثرة المصريين هناك وبدأو يعملو قوانين علشان يحدو من المصريين هناك
يا جماعة قسم بالله معظم الشباب حاليا كل تفكيرهم بعد الجامعة يسافرو وانا واحد منهم
يا ترى العيب فى مصر ولا فى اللى بيتحكموا بمصر ؟؟؟؟؟

العيب فينا احنا مش في مصر عشان كل واحد لما ميلقيش شغلانه عليها القيمه يقول لا دي مصر مفيهاش شغل لازم اسافر برة اشتغل شغلانه كويسه هناك بدل ما انا قاعد في مصر اشتغل اي حاجه اي ده مش لازم الناس تشتغل حتي لو هتشحت بس في بلدها حتي لو هتشتغل ايه اشتغل مفيهاش حاجه دي ولا عيب ولا حرام عشان ربنا قال اسعي يا عبد وانا اسعي معاك وعايزين كل الاعضاء يقولولنا رايهم في العيب منين في مصر ولا الي بيتحكموا في مصر ذي الفرعون ما قال

العيب في الشباب نفسهم كل واحد عايز ياخد مرتب اكتر من 2000جنيه لو اتعرض عليه شغل بمرتب 600جنيه مش بيوافقوا وده من حقهم لان دلوقتي سعر الشقه والفرش مش هينفع ب 600جنيه في الشهر بس بردوه هما لما هيشتغلوا هنا اكيد مرتبتهم هتترفع اكتر من اللي كانوا بياخدوه في الاول

ههههههههههههههههههههههههههههه
كوين انتى تفتكرى ان الفيوم دى فيها مرتب 600 جنيه
ماتزعلوش منى بس انتوا بنات مش عايشين الواقع فعلا وبتتكلمو من غير ماتشوفوا الحقيقة

يا جماعة ماهو موضوع الهجره غير الشرعية دي بيكون بسبب ان الولد عاوز يدفع مهر مليون جنية زي راما ماهي عاوزة وعاوز يجيب احلى شقة يسكن حبيبتة فيها و.....................
بصوا يا جماعة موضوع السفر برة مصر دا يمكن يكون حلم كل الامهات لاجواز بناتهم
بس انا عن نفسي مش هحط الاحتمال دا قدامي ولا قدام جوزي ولو حطيتة هيكون ااااااااااااخر احتمال ممكن نفكر فية وهنكون مع بعض

خلاص يا جماعه عايزين حد يختار موضوع تاني

عاوزة وبكل صراحة ومن غير كسوف كل واحد وواحدة بيحبوا اول مرة شافوا حبيبهم كان ازاي وقالوا اية لبعض مستنيين نعرف.......

ابدي انتي يا سارة

لية الاحراج دا يا جماعة

لا احراج ولا حاجة مش انتي اللي دبستي نفسك يلا قولي بقا

خلاص يا جماعة طالما سارة مش عايزة تبدأ
نغير الموضوع ده

ماشي نغيرة بس هاتوا موضوع تاني يكون فيه ضحك عشان احنا زهقنا من الحاجات الي فاتت
ماشي وا مش ماشي

يا فرعون ادخل لعبه البيت بيتك عشان في خناقه مولعه نار
يمكن تعرف تحلها