لعربنجليزي **** ظاهرة تحتاج لوقفة............!!!!!!!!!!!

......................................

((((العربنجليزي))))

إيه هو؟؟؟؟

هو إن الشباب يكتبوا الكلام العربي بس بحروف انجليزية

(ZAY KEDA MATHALAN) (aw keda bardo)

الموضوع ده كان بدايته من فترة مش طويلة

وكان مقبول إلى حد ما

لما
كان الشباب العربي خارج البلاد العربية بيضطروا يكتبوا بالعربنجليزي لأنهم
مصرين على التواصل مع إخوانهم وأصدقائهم في الدول العربية بالكلمات
العربية مع عدم وجود (كيبوردات) عربية بالخارج

لكن اللي حصل هو العكس

الحرص من الشباب اللي بره الوطن العربي على إنهم يوصلوا كلامهم بالعربي
اتحول إلى إن الشباب اللي جوه الوطن العربي بقم هما اللي بيكلموا بعض باللغة العجيبة دي

طب ايه السبب في كده؟؟؟

ايه اللي يخلي واحد يكتب لغة بحروف لغة تانية؟؟
ايه اللي يخلي واحد يرهق دماغه في لغتين في نفس الوقت ومفيش أي ارتباط ما بينهم؟

يمكن إن السبب يكون إن الشباب بقت بتقلد أي حاجة جاية من بره وخلاص
ليها لازمة ولا ملهاش لازمة
ليها سبب ولا ملهاش سبب
من عرب أو من أجانب
مش فارقة

المهم إننا نقلد ناس تانية

ليه؟؟؟

يمكن كده بيحسوا انهم مميزين؟؟
يمكن
بس ايه التميز اللي في كده؟؟

وايه ذنبنا احنا اننا نقعد ربع ساعة عشان نقرا في مشاركة 3سطور؟؟؟
وايه اللي يميز اللي كاتب بالطريقة دي؟؟؟؟
وايه اللي هو هيستفيده؟؟

(إلا إذا كان دكتور نظر أو عنده محل لعمل النظارات طبعاً)

والوقفة اللي بتكلم عنها مش زي (وقفة يا مصري, ووقفة يا اسطى)
لأ لازم كل واحد يبدأ بنفسه
ولو حد بيكلمه بالطريقة دي يعرفه بكل ذوق انه مش مستريح في قراية الطريقة دي

يا شباب لغتنا أمانة
ولازم نحافظ عليها
مش هتبقى اللغة هي كمان فيها حروف محلي وحروف مستوردة

وفي الختام

((((يسقط العربنجليزي))))

......................................

=========================================================

هل تسمعينَ أشواقي
عندما أكونُ صامتاً؟
إنَّ الصمتَ، يا سَيِّدتي،
هو أقوى أسلحتي...

اصلا الشباب اليومين دول معندهمشي الا التقليد فاي حاجه بتحصل بيقلدوها من غير مايعرفوا فيها ضرر ولا نفع فمفيش غير الا العربي بالانجليزي فقلدوها هي كماان ماهم بيقلدوا كل حاجه بتحصل وخلاص